ကိုရီးယားအနုပညာနယ်ပယ်ထဲမှာ အဆိုတော် Idol တွေအဖြစ် ပွဲဦးထွက်ခဲ့ကြပြီး သရုပ်ဆောင်ပိုင်းကို ပြောင်းလာခဲ့တဲ့ အဆိုတော်တွေအများကြီးရှိပါတယ်။ အဆိုတော်ဆိုတဲ့ ပုံရိပ်ပျောက်မသွားတဲ့သူ‌တွေရှိသလို တချို့သော Idol တွေကတော့ သရုပ်ဆောင်‌ကောင်းလွန်းတာကြောင့် မူလအစက အဆိုတော်အဖြစ်ပွဲဦးထွက်ခဲ့မှန်းတောင် မေ့သွားတဲ့အထိ ပီပြင်ကောင်းမွန်းကြောင်း ပရိသတ်များစွာက လက်ခံထားတဲ့ Idol (၆) ဦးရှိပါတယ်။

Lee Jun Young

ဗီလိန်ဇာတ်‌ကောင်တွေကို ပီပြင်ပိုင်နိုင်လွန်းတဲ့ မင်းသား Lee Jun Young ဟာ ကာရိုက်တာအမျိုးမျိုးကို သရုပ်ဆောင်နိုင်သူဖြစ်ကြောင်း ‘When Life Gives You Tangerines’ အပြင် ‘Pump Up the Healthy Love' တို့နဲ့ သက်သေပြထားသူပါပဲ။ Jun Young ဟာ ၂၀၁၄ တုန်းက U-KISS အဖွဲ့နဲ့ ပွဲဦးထွက်ခဲ့ပြီး ၂၀၁၇ မှာ သရုပ်ဆောင်ပိုင်းကို ပြောင်းလာခဲ့သူပါ။ အဆိုတော်ဆိုပေမဲ့ သရုပ်ဆောင်တအားကောင်းတဲ့ Jun Young ရဲ့အရည်အချင်းကတော့ အံ့ဩယူရတဲ့အထိပါပဲ။

Photo credit to SPOTVNEWS

IU

ဝါရင့်အနုပညာရှင်ဖြစ်တဲ့ IU ကတော့ တကိုယ်တော်တေးသံရှင်အဖြစ် ပွဲဦးထွက်ခဲ့ပြီး အကြီးအကျယ်အောင်မြင်သူဖြစ်သလို သရုပ်ဆောင်မင်းသမီးအဖြစ်လည်း ထိပ်တန်းအဆင့်မှာ နေရာယူထားသူပါ။ ပါရမီရှင်တစ်ဦးဖြစ်တာနဲ့အညီ IU သရုပ်ဆောင်သမျှဇာတ်ကောင်တိုင်းက ပီပြင်အသက်ဝင်လွန်းပြီး ‘Hotel Del Luna,’ ‘My Mister’, 'Moon Lovers: Scarlet Heart Rye' စတဲ့ နာမည်ကြီး ဇာတ်လမ်းတွေအပြင် ‘When Life Gives You Tangerines’ မှာလည်း အမေနဲ့သမီး ဇာတ်ကောင်နှစ်မျိုးလုံးကို သရုပဆောင်ပြီး တကမ္ဘာလုံးက ပရိသတ်တွေရဲ့ တခဲနက်အားပေးမှုကို ရရှိထားသူပဲဖြစ်ပါတယ်။

Park Jihoon

Park Jihoon က ငယ်စဉ်ကတိုင် အနုပညာပိုးပါသူဖြစ်ပါတယ်။ ကလေးသရုပ်ဆောင်အဖြစ် အနုပညာအသိုင်းအဝိုင်းထဲရောက်ခဲ့တဲ့ Jihoon ဟာ Wanna One အဖွဲ့နဲ့အတူ ပြည်တွင်းပြည်ပမှာ တအားအောင်မြင်ပြီး လူသိများတဲ့ Idol ဖြစ်ခဲ့ပါတယ်။ အဖွဲ့ကွဲပြီးနောက်မှာတော့ သရုပ်ဆောင်အလုပ်ကို အားစိုက်လုပ်လာတဲ့ Jihoon ဟာ သူ့ရဲ့ သရုပ်ဆောင်အရည်အချင်းကြောင့် များစွာချီးကျူးခံရသူပါ။ Weak Hero Class 1, 2 အပြင် ‘Love Revolution,’ ‘Love Song for Illusion,’ ‘At a Distance Spring is Green' စတဲ့ လူသိများတဲ့ဇာတ်လမ်းတွဲတွေကိုပါ သရုပ်ဆောင်ထားပါတယ်။ Jihoon ဟာ အကြည့်တွေနဲ့သရုပ်ဆောင်သူဖြစ်ပြီး ရင်တွင်းခံစားချက်တွေကို အကြည့်တစ်ချက်နဲ့တင် ပေါ်လွင်အောင် ဖော်ပြနိုင်ကြောင်း ချီးမွမ်းခံရသူဖြစ်ပါတယ်။

Im Si Wan

ကိုရီးယားကားကြည့်သူတိုင်း Im Si Wan နဲ့ မစိမ်းလောက်ပါဘူး။ သရုပ်ဆောင်အကောင်းဆုံးစာရင်းဝင်တဲ့ Idol ဖြစ်ပြီး သူ့ရဲ့သဘာဝဆန်ဆန်နဲ့ ဇာတ်ကောင်တိုင်းကို ရုပ်လုံးပေါ်အောင် အသက်သွင်းနိုင်တာကြောင့် နာမည်ကြီးသူပါပဲ။ ZE:A အဖွဲ့ဝင်ဖြစ်ပြီး စံယူထိုက်တဲ့ Idol သရုပ်ဆောင်လို့တောင် အမည်တွင်သူလည်းဖြစ်ပါတယ်။ ‘Misaeng’ အပြင် ‘Strangers from Hell,’ ‘Run On,’ ‘Summer Strike,’ ‘Boyhood,’ ‘Squid Game,’ 'Unlocked', 'Emergency Declaration' စတဲ့ လက်ရာတွေနဲ့အတူ နာမည်တစ်ခုနဲ့ရပ်တည်နေသူပါပဲ။

Lee Junho

2PM’s Lee Junho ကိုတော့ ‘The Red Sleeve’ နဲ့အတူ အားလုံးသဘောကျခဲ့မယ်လို့ထင်ပါတယ်။ ဒီဇာတ်လမ်းနဲ့အတူ 2022 Baeksang Arts Awards မှာ အကောင်းဆုံးသရုပ်ဆောင်မင်းသားဆုကို ရရှိခဲ့သူပါ။ အဆိုတော်အဖြစ်လှုပ်ရှားရင်း Junho ဟာ သရုပ်ဆောင်ကောင်းသူဖြစ်တာကြောင့် ‘Confession,’ ‘Rain or Shine,’ ‘Good Manager', ‘King the Land’ စတဲ့ ဇာတ်လမ်းတွေအများကြီးကိုလည်း လက်ခံရိုက်ကူးထားတဲ့အထိ သူ့ရဲ့သရုပ်ဆောင်ပုံကို သဘောကျနှစ်သက်ကြတာပါ။

Lee Hyeri

အမျိုးသမီး Idol ကနေ သရုပ်ဆောင်လိုင်းဖက်ပြောင်းလာတဲ့သူတွေထဲမှာ Girl’s Day အဖွဲ့ဝင် Lee Hyeri ကလည်း သူ့ရဲ့သဘာဝကျကျ သရုပ်ဆောင်ချက်တွေကြောင့် လူတိုင်းက သူ့ကားသစ်တွေကို တအားကြိုက်ကြပါတယ်။ ‘Reply 1988’ ဟာ Hyeri ရဲ့ အနုပညာအရည်အချင်းတွေကို အထင်းသားတွေ့နိုင်ပါတယ်။ အချစ်ဟာသဇာတ်လမ်းတွေကစလို့ နန်းတွင်းရှေးဟောင်းကားတွေအထိ ကာရိုက်တာအစုံကို သရုပ်ဆောင်နိုင်စွမ်းရှိတဲ့အထိ ဘက်စုံကျွမ်းသူပါပဲ။ Hyeri ရဲ့ ဇာတ်လမ်းတွေထဲမှာ ‘My Roommate Is a Gumiho,’ ‘Moonshine,’ ‘May I Help You,’ ‘Friendly Rivalry' စတဲ့ ဇာတ်လမ်းတွေဟာ Hyeri ကို သရုပ်ဆောင်မင်းသမီးအဖြစ် ပြောင်းလဲမြင်တွေ့စေခဲ့ပါတယ်။

ဖော်ပြခဲ့တဲ့ သရုပ်ဆောင် ၆ ဦးကတော့ သရုပ်ဆောင်လိုင်းဖက်ကို ပြောင်းလာခဲ့တဲ့ Idol တွေထဲမှာ သရုပ်ဆောင်ပီပြင်တာကြောင့် ပရိသတ်တွေကိုယ်တိုင်က လက်ခံအားပေးခံထားရတဲ့ အဆိုတော်တွေပါပဲ။

Soure: Koreaboo